每年一度在港舉行嘅《亞洲金融論壇》（AFF）已經成為本港金融界盛事，每次猛人如雲，今年第7屆將於下周一、二喺會展舉行，美國前財長蓋特納都係演講嘉賓。
財爺曾俊華噚日喺網誌賣花讚花香，指AFF越來越多人參與，反映香港作為國際都市，魅力不減。
財爺憶述，2007年9月舉行第一屆AFF，只係特區政府成立10周年嘅慶祝活動之一，當時希望藉住AFF提升香港作為國際金融中心嘅聲譽，接近30位講者同參與者互動交流，舊年參與者人數已升至2,400人。
下周AFF有將近100名講者確定參與，包括蓋特納，佢將於下周二擔任午宴演講嘉賓，講全球、美國喺金融海嘯後嘅復蘇情況，同埋金融市場將會面對乜嘢挑戰，可惜呢場演講，傳媒冇得入內聽，想知佢講乜，睇嚟要靠入面嘅嘉賓幫忙嘞。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange