曾經狀告facebook創辦人朱克伯格偷橋嘅溫克爾沃斯孖生兄弟（Winklevoss Twins），電影《社交網絡》都有講兩位跟朱克伯格嘅關係。現實生活中，兩兄弟好鍾意投資新科技公司，舊年自爆持有全球1%Bitcoin，踏入新一年，竟然投資對沖基金，玩返傳統嘢。
呢對32歲嘅孖仔名副其實係「高富帥」，身高6呎5吋，哈佛大學畢業，再去牛津完成MBA，又係奧運划艇選手，2008年曾參與北京奧運，條件一流。
佢哋早年狀告fb創辦人朱克伯格偷橋，最終和解收場，攞到6,500萬美金（約5億港銀）。兩兄弟之後就成立投資基金，多數投資新科技嘢，今次係首度投資對沖基金。睇嚟佢哋都係覺得直接用錢搵錢，好過等新科技公司成長上市先有錢賺，年中又有幾多間fb吖？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange