啱啱去完澳洲玩半個月嘅趙哲妤，噚日正式投入工作去到工展會行騷，佢話：「去澳洲簽爆三張卡，用咗五位數，𠵱家要努力搵錢找卡數。」今次同埋女化妝師一齊去玩，挑戰咗好多刺激運動如急流同熱氣球等，佢仲遇到五、六位唔同國籍男性嘅艷遇，同對方飲咖啡交朋友，問到有冇得發展？佢話：「有位29歲中國專才移居當地任職銀行，佢話幫我畀使費住宿，叫我留低住，不過都係屋企人好，唔會考慮。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！