1月轉會市場重開，有球會煩緊買咩球員，有球會就煩喺邊到籌錢嚟簽新人，但英乙嘅AFC溫布頓（圖）有個與別不同嘅煩惱，佢哋為咗慳錢，唔想幫新球員提供住宿，所以諗到條計，叫球迷為球員提供住宿。呢支小本經營嘅球隊日前喺官網向球迷呼籲，如果大家住喺訓練場地嘅附近，同時屋企又有剩房間或者床位的話，可以向球會登記。AFC溫布頓啱啱喺米杜士堡簽咗前鋒查理韋基返嚟，正等緊有心嘅球迷肯借張床畀佢瞓。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange