媽模陳靜儀（Mia）前夫莊家傑去年8月跟盛女Whitney閃婚，上月Whitney更宣佈懷孕，幸福滿瀉。至於Mia原來也不愁寂寞，有讀者報料指Mia近日搭上波鞋街已婚闊少Kenneth Lau。
波鞋街闊少
二人數月前在朋友聚會上認識，已婚育有一名3歲女兒的Kenneth年約26歲，家族在波鞋街有很多生意，由於又後生又有米，令Mia勁冧並主動接近，最後成功跟Kenneth撻着。
消息指Kenneth跟太太感情其實早已轉淡，雙方一直醞釀離婚，Kenneth跟Mia撻着之前，其實已有一位親密女友，但最後Kenneth為戀Mia而跟女友分手，並着手跟太太辦理離婚手續。讀者還提供了日前Mia跟Kenneth一起出席除夕倒數派對的照片，二人在多張大合照中經常靠在一起，Mia還擺出不同手勢甫士影相，狀甚興奮。
現年24歲的Mia雖有一子一女，但過往身邊男士一直團團轉，先後跟周秀娜舊愛陳偉成（Avis）和足球員陳肇麒傳出緋聞，記者昨日致電Mia，問她是否戀上波鞋街已婚闊少Kenneth Lau時，她承認跟Kenneth認識，但就聲稱跟對方只是朋友關係。
不知男方已婚
Mia說：「其實我自己識朋友我唔會理人哋身份背景，同埋佢婚姻狀況我完全唔清楚，我唔會理人私事，亦唔會過問，佢係我朋友，如果我知道對方係已婚人士，我一定會保持距離，因為我絕對唔會做小三囉。其實現階段我冇話急於拍拖或者搵結婚對象，我覺得係隨緣，因為𠵱家係搏殺期，我會將主力放喺工作方面，冇話特別想搵啲乜嘢對象，都想搵多啲錢搞掂啲小朋友（一對子女）先啦，其他嘢唔會諗咁多住。」
現時可有追求者？Mia說：「𠵱家都有追求者，但係仲揀緊，同埋我將專注力都會放番喺工作上面。」
採訪：方圓
足本收睇《亂噏24》x鄭秀文@杜琪峯；再有卓韻芝！
周一至周五《亂噏24》約定你： http://bit.ly/appletalk24