【銅鑼灣名店坊】𠵱家啲媽咪鍾意同仔女好似朋友一樣咁相處，好似潮媽馬詩慧，前日下晝3點幾，就陪住兩個分別21歲同18歲嘅囡囡王曼喜、王麗嘉一齊去銅鑼灣行街。媽咪以前係名模，兩個女同樣生得高頭大馬，三母女一齊行出街受到唔少途人注視。佢哋喺名店坊企咗幾分鐘，商量下一站去邊度，最後決定唔去餐廳，只買咗個麵包然後上樓上舖頭睇衫，爭取時間購物。
採訪、攝影：梁繼光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！