獅子座出名有領導才能，連李超人及宇宙最強嘅甄子丹都係獅子仔。不過原來佢哋帶人唔多勁，帶自己就勁。超人就已經名成利就啦，咁一班努力緊嘅獅子仔，今年事業又會點？
靈性導師兼塔羅占卜師姚安娜話都幾多波折，「那些波折主要不是帶來嚴重破壞及創傷，
不過情緒影響很大。影響獅子座情緒時，他的自信心就發展不到，但獅子座的自信心很影響他的事業。」
即刻令人諗起因為搭上汪子琦而搞到唔敢見人嘅馬賽，真係連事業都賠上埋。咁今年馬賽嘅愛情運又點？「於愛情方面比較有趣，屬於一個叫做轉型期。轉型期都幾危險的，即一個人的性格，對感情方面的習慣，突然想有些轉變。如果對方接受不了，就很以為感情有變，亦在此時容易有第三者出現。反而單身的就有突然結婚的機會。」馬賽，睇嚟你都灰唔晒，仲分分鐘閃婚。
整體來說，獅子仔女上半年會因為身邊環境轉變，令到心中有困擾。要到下半年，疑惑才會水落石出，不過是禍是福就無人知了。去到年尾，獅子座還可能有筆大錢要找數，好好準備吧！
足本收睇《亂噏24》x鄭秀文@杜琪峯；再有卓韻芝！
周一至周五《亂噏24》約定你： http://bit.ly/appletalk24