【維基開台倒數177日】前新聞主播「淚的小花」黃紫盈（Connie），昨日在九展為婚展會穿婚紗行騷，吸引大班入場人士圍觀。首次着婚紗的Connie心情興奮，她說：「未着過婚紗，細個覺得婚紗好靚、好夢幻，又覺得好似童話式咁，點知今次做嘢有機會着。」
接受新挑戰
王維基曾表示有意邀請Connie與其他新聞小花加盟港視，Connie被問到此事時，她即打官腔說：「有新消息再同大家跟進啦！」追問到雙方有否接觸，及有否興趣再踏主播台？她則說：「係機會嘅話自己唔會抗拒嘅，不過自己想接受吓新挑戰，好似主持、司儀同廣告等等新嘢先，呢啲嘢（雙方接洽）等時間去證明啦！」
Connie亦不否認會轉職公關公司：「之前我都冇講過話去公關公司，𠵱家工作機會唔錯，所以我改咗計劃。我𠵱家係自由身，接吓主持、司儀工作同寫吓blog咁。」
問到Connie會否轉型為藝人或考慮拍戲？她笑說：「如果唔嫌棄我做戲渣，對方又覺得適合嘅話，我唔抗拒呢啲機會，亦都唔會一口拒絕，大家可以傾吓，我覺得都會幾好玩。」
採訪、攝影：藍文浩
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！