陳寶珠和梅雪詩（阿嗲）將合演22場粵劇戲寶《再世紅梅記》，昨日在柴灣總綵排，師傅白雪仙也有監場。看到兩位徒弟的排練，仙姐大讚表現不錯，希望她們繼續努力做得更好。為表對師傅的敬意，寶珠和阿嗲應記者要求親吻仙姐面頰，令仙姐甜在心頭。
阿嗲向來與龍劍笙（阿刨）合作，今次卻換來寶珠姐，《再》劇策劃人高太表示阿刨因身體關係而推辭，故由寶珠姐頂上，帶給大家新鮮感。阿嗲說：「我初出道，第一次踏台板都係同寶珠合作，唔會有比較，大家都係師姐妹。」
對於有周刊指寶珠姐的叫座力不及阿刨，仙姐笑說：「哎呀，我哋冇睇嗰啲周刊，佢話乜嘢我哋都唔知，我哋只知做好每場戲，周刊嘅嘢，邊得閒睇吖，咁忙。」她又說：「唔知邊個寫啲咁嘅嘢，係咪儍嘅，大家都係同學，所謂『本是同根生，相煎何太急』。」問有沒有不開心，仙姐直言無動於衷。
採訪：黃曉妍
攝影：黃偉雄
足本收睇《亂噏24》x鄭秀文@杜琪峯；再有卓韻芝！
周一至周五《亂噏24》約定你： http://bit.ly/appletalk24