南華隊長陳偉豪日前喺facebook寫咗篇訓勉年輕球員嘅文章，有成1,500人like同過百分享，hit爆球圈！偉豪噚日操練後強調，唔係針對一、兩個球員︰「如果我成篇嘢只係話一個人，佢都幾大鑊。其實我覺得近兩年啲後生仔，心態同自己嗰代差好遠，𠵱家球隊多咗，球員需求多就應該珍惜機會去練好啲；當然佢哋hea踢對我冇影響，我仲可以踢多10年㖭，但球隊要進步，佢哋就應該把握青春去增加自己競爭力，香港足球先有進步，唔好等老咗先嚟遺憾。」此外，南華與北京國安達成協議，續借後衞李志豪至5月尾，備戰亞冠附。
足本收睇《亂噏24》x鄭秀文＠杜琪峯；再有卓韻芝！
周一至周五《亂噏24》約定你： http://bit.ly/appletalk24