【本報訊】偷運奶粉近日越趨猖獗，主要因快將過農曆新年，水貨集團須在月底前偷運大量奶粉返內地應付長假需求，令流行牌子如美贊臣奶粉一度嚴重缺市，港媽怨聲載道。《蘋果》記者昨在上水及羅湖直擊，發現不少水貨客雖擔心被拉但為賺錢仍頂硬上，繼續每人偷運多達四至六罐奶粉返內地。
記者黃昏於上水火車站外，仍見到約三四個「奶粉檔」分貨水貨客，但已較平日少了一半，記者聽到有水貨師奶心情忐忑，指「唔攞咁多，運四至六罐好了」。
記者其後乘火車隨水貨客北上，見他們繼續用背囊等掩飾過量奶粉，但海關加強截查，有禁區通道上更有近十名香港海關關員戒備，記者又目擊一名以手袋偷運三罐奶粉的中年婦被抽查即場被捕。
記者過關後走入深圳地鐵站，見到有逾百人在等候「收奶粉」，但已較上月巔峯時少了逾四分一。其中最渴市的美贊臣１號奶粉收購價仍達370元，較本港定價高74元，但前來交易水貨客不多。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange