關仁隱事:「照大地」片場呃𡃁妹 - 關仁

關仁隱事:「照大地」片場呃𡃁妹 - 關仁

導演「照大地」一片成名,佢套《熱戀》賣座非常好,叫做吐氣揚眉後梗係片約不絕啦!事實上,佢喺呢行真係好多個年頭,由助導、副導捱出身,跟過好多大導演拍戲,十隻指頭都捱平晒。雖然係咁,不過佢喺圈內嘅名聲唔係幾好,話唔係咁好嘅,唔係佢嘅工作態度,而係佢嘅私生活。
你知照大地做副導嘅時候,雖然啲大角色冇得畀佢搵,但啲三、四線角色都可以話吓事嘅,佢就利用呢啲機會專喺片場「呃蝦條」,好多發明星夢嘅妹妹仔都同佢有一手,博可以出吓鏡,一個唔覺意上埋位,年中照大地都食埋唔少。
不過,照大地又玩得實在太揚,差唔多全行都知,佢嘅故事仲搬埋上大銀幕,成為其中一段㖭。今時今日照大地發財立品,做咗大導就自然唔再搞啲妹妹仔,不過有冇啲姐仔想獻身上位,關仁就唔知嘞!
撰文:關仁

足本收睇《亂噏24》x鄭秀文@杜琪峯; 再有卓韻芝!
周一至周五《亂噏24》約定你: http://bit.ly/appletalk24