【銅鑼灣】台灣藝人陳建州（黑人）同老婆范瑋琪早幾日嚟咗香港，佢老友兼波友余文樂就即時盡地主之誼，前晚8點幾阿樂約埋一班朋友去咗銅鑼灣西苑酒家，幫黑人兩公婆洗塵。
餐飯食到一半嘅時候，阿樂同幾個朋友煙癮起，佢哋真係好有「公德」，過咗隔籬貴賓房食煙，到大概9點飲咗酒嘅阿樂交咗架車畀朋友揸，自己同黑人兩公婆做乘客。架車駛咗去就近嘅翡翠明珠戲院買飛睇戲，原來阿樂捧自己場，請朋友睇有份主演嘅電影《救火英雄》。
採訪、攝影：徐錦池、楊浩賢、吳耀輝
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！