球迷都關心皇馬喺冬季轉會市場會唔會買人或賣人，但佢哋教練安察洛堤周四喺球隊友賽巴黎聖日耳門贏1:0後表示，佢哋嘅轉會市場經已完結。佢表示：「我唔使簽新球員，亦唔會賣人。」同時呢位意大利名帥證實喺門將會輪換，卡斯拿斯繼續喺歐聯及西盃打正選。另外，皇馬喺卡塔爾多哈進行集訓及友賽，𠵱家喺卡塔爾效力艾薩德嘅前皇馬隊友魯爾就去銀河艦隊住嘅酒店探班，仲同C朗、比比及沙治奧拉莫斯等影相及吹水㖭。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange