新年流流，你話如果出街撞到靚女咁幾好呢？名模姚書軼今日就畀左個機會大家，做完嘢周圍行街。名模出現喎，梗係即刻俾記者捉住啦！不過佢一個人咁寂寞，另一半去咗邊？「無啊，呢一兩年都好dry，暫時都未揾到一個啱嘅。」咁即係好多人追啦？「咁我用咗咁多時間扮靚，如果無人追就真係好失敗啦！不過仲未搵到一個啱嘅。」嘩！有本錢係唔同啲。
講開又講，因乜事吸引到名模都要嚟八卦？「我見咁多人排隊吖嘛，我對護膚品嘅觸覺又特別敏銳，咪八卦下囉，原來有嘢換喎！女仔最緊要係試新嘢，試好嘢！」哦！原來有新嘅精華液換，咁又係呀！接連過咗聖誕、除夕、新年三個大節日，大大小小嘅party固然令人興奮，但玩足幾晚通宵，皮膚唔多唔少都受到影響啦。農曆新年就到，想keep住靚皮膚過年，係時候要搵救兵！
不過身為名模嘅姚書軼，都有咁嘅需要？「我之前已經睇過廣告㗎喇，都好奇係咪真係咁勁。我不嬲都鍾意試新產品，一來工作需要，二來係我自己興趣嚟嘅！」老老實實，你keep得咁好，係咪有獨門秘方？「我自己覺得最緊要係保濕，會花好多時間護膚，同埋唔好怕試新產品，因為而家科技日新月異，唔可以話用一樣嘢用一世。有時最緊要係吸收得好，唔係搽完上面就算。」咁多位收到未？
《蘋果動新聞》錫住你嘅肌膚！噚日全線Estée Lauder都好多靚女排晒隊拎住《蘋果動新聞》App換領 Estée Lauder微精華原生液試用裝，30,000份好快已經換晒！
足本收睇《亂噏24》x鄭秀文@杜琪峯； 再有卓韻芝！
周一至周五《亂噏24》約定你： http://bit.ly/appletalk24