噚日上演嘅深圳女子網球公開賽女單4強，衞冕嘅李娜只用62分鐘，以6:1和6:3輕取德國球手碧克，娜姐心情超靚，賽前即興棄手用足，執起個網球當波踢，獲得全場掌聲，比賽亦未受考驗，全場5度破發，決賽硬撼老友彭帥（有線62台今日2:00pm直播），娜姐話：「決賽對手是誰，都是平常心態。」彭帥因美國對手金久慈腳傷棄權，自動晉級，過去5次打入職業賽決賽，全部輸晒，睇吓彭帥可唔可以贏出呢場「中國打吡」，一破宿命。
另外，噚日喺維園上演嘅ITF巡迴賽女雙決賽，香港嘅張玲夥拍哈薩克球手戴耶絲，以0:2輸畀日本組合屈居亞軍。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange