新年伊始，2014年首個交易日，逾700隻股份向下，物流股「發狂」的升勢顯得特別刺眼，當中嘉里物流（636）主席楊榮文透露，有興趣向電商如阿里旗下的「天貓」平台，提供倉儲物流服務，「興趣」二字足夠推動股價三日狂飆25%，狂舞中的物流股亦不乏好選擇，可吼粵運交通（3399）。
粵運交通前年與母公司互換資產為回復盈利增長埋下伏線，換入廣東省汽車運輸，換走一直虧損的智能交通服務，中期業績已見起色，純利升23%至6,864萬人仔，相信全年業務能夠擺脫上年只賺7,254萬人仔的劣勢，公司積極以地區客運公司為併購目標，母公司是廣東省交通集團，有這個後台真係如虎添翼。由於汽車運輸業務佔營業額逾四成，公司近年開始明白賺錢之道，在客運站場開設「樂驛」便利店，並開發客運站場和大巴等廣告業務。
再者，粵運交通主席劉偉早前向傳媒透露，正籌建物流園，結合民航、碼頭等轉換點，進行倉儲、分包和配送，與廣東自貿區打算發展物流業不謀而合。
更重要是粵運交通市值4億元未夠，市盈率亦較同業落後，睇埋個股價圖，過去幾年最威都係去到2.6元，昨日大成交突破向上，終衝破五年來橫行的格局，相信呢隻物流股升浪只是啱啱開始。
Samantha
本欄逢周一、三、五刊出
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange