卡迪夫城周四宣佈，蘇斯克查（圖）正式成為球隊嘅新領隊。蘇B喺周四朝早先同班球員見面，下晝就開記者會，佢否認前曼聯領隊費格遜有叫過佢唔好揀卡城，「我同費格遜一直保持聯絡，關係好好。佢有祝福我，同埋畀到啲有用意見我。我同佢嘅對話好有建設性。」蘇B講嘢好得體，大讚卡城對阿仙奴場波踢得好，陣容好有實力；對於班主陳志遠，蘇B就話大家目標一致，都係想隊波好，幾次見面都好好傾。佢嘅首場比賽將會係周六作客紐卡素嘅英足盃第3圈，今個月底，蘇B就會帶卡城作客曼聯，到時返到奧脫福，唔知會唔會「報答舊會」呢？
足本收睇《亂噏24》x鄭秀文@杜琪峯；再有卓韻芝！
周一至周五《亂噏24》約定你： http://bit.ly/appletalk24