【13叱咤頒獎典禮】以播放率論勝負的「2013年度叱咤樂壇流行榜頒獎典禮」，前晚圓滿結束，首次奪得我最喜愛女歌手的何韻詩，頒獎禮後到紅磡都會出席慶功宴，過氣密友容祖兒缺席，像是怕同場成為焦點。未知是否因大家已各有另一半，阿詩被問到有關祖兒的問題時，表現有點避忌，又聲稱兩人有打招呼。
自知唔入屋
談到祖兒抱病在身，阿詩有點尷尬：「大家都知喇。」問會否專程去看祖兒個唱？她有點避忌說：「未諗呢樣嘢呀，隨緣喇，我知佢做呢個騷好辛苦，所以都有發訊息鼓勵佢，我唔識答呀，棄權！」
阿詩獲頒我最喜愛的女歌手獎時，頒獎的俞琤指「你師傅在天之靈，一定微笑。」 似有所暗示，阿詩對此說：「以我所知呢個獎係投票嘅，當然我明白，我唔係阿臣（陳奕迅）千嬅嗰種咁入屋嘅歌手，我相信今晚畀呢個獎我係投票結果。」
被質疑種票
再問阿詩在台上稱行過高低之後，可遇到最喜愛的人，令她可以做回自己，忠於自己，她說：「大家唔會因為你選擇做自己而唔再支持，反而好欣賞你去做自己，呢個我希望可以係對其他歌手一個鼓勵。」不過，阿詩撼低祖兒爆冷獲我最喜愛女歌手獎，不少網民對賽果感到疑惑，甚至質疑阿詩「種票」，阿詩所屬寰亞唱片梁小姐回應：「這個世界只有種善因得善果，祝大家在2014年善有善報，福有悠歸！」
採訪：胡比、王連連
攝影：陳順禎、陳志嵐
戲裡戲外，話題最強，立即收睇《動戲場》:
http://hk.movies.nextmedia.com/extra/list/