本欄2014年首日跟各位讀者見面，先祝廣大讀者今年賺多啲。昨日半新股喪炒，已達「先買後沽、得閒再分析」的速度，今日連股票名也可以不理，見半日升若干百份點便衝入，一齊炒多轉，自行落「冧巴降」。
既然暫時炒股不需要分析，本欄趁新一年作本年七大經濟預測：
1）唔見大牛市。今年退市年，議息會議前夕氣氛不會好，今年港股會被「疑加速退市」及「意外不退市」左右，繼續炒波幅，徘徊於20000至25000水平。
2）板塊搶包山。再開科網濠賭？唔知，但第二季大概知格局，到時照跟。唔會炒估值平嘅中資股。
3）殼股繼續炒。A股IPO排隊排到癲，買個靚殼即時上市是常識吧！今年三幾個月會炒一次殼股。
4）土炮港股興。舊年股民最愛股係CEC國際（759）同港視（1137），大陸賬簿真假難分，香港業務股票攞番一啲話語權，另外部份則係殼股原因。
5）日圓跌至120。日本QE對實質經濟幫助越谷越弱，越弱越谷，安倍洗濕個頭，無得返轉頭，重見2006至2007年美元兌日圓120水平。
6）日樓現泡沫。全世界有QE的地方，美英，連同美元區嘅香港，樓市都有泡沫，日本樓市今年會現樓市泡沫。
7）中原指數維持120點。辣招成交再創新低，根本無盤沽，冇得跌，何況太多人睇淡，始終見頂還見頂，跌還跌，兩回事，唔好混淆。
高明
http://www.facebook.com/AppleKoming
足本收睇《亂噏24》x鄭秀文@杜琪峯； 再有卓韻芝！
周一至周五《亂噏24》約定你： http://bit.ly/appletalk24