港視經歷過發牌夢碎，最後又戲劇性於7月1日成功在流動電視開台，旗下藝人的工作量一直未有受到事件影響，更排得密麻麻，最近黃美棋更豁出去，穿背心熱褲挺胸拍廣告，青春無敵引死一班宅男。原來她被美容公司格林美肌睇中，以六位數字酬勞邀請擔任代言人，兼且更獲一世美容纖體服務。
今次是美棋首次接拍廣告，她日前開心笑說：「𠵱家我可以放膽接多啲食物廣告，特別係朱古力，因為一定食極都唔肥！」問她會否買禮物獎勵自己？她說：「唔使喇，王生（王維基）已經送咗一份最好嘅禮物畀我，我反而會買禮物送畀屋企人，多謝佢哋一直都支持我。」
婚後想生三個
此外，美棋BB和陳宇琛昨日到尖沙嘴，出席有線玄學節目《馬年人人行好運》記者會，她與陳宇琛皆說想快點結婚生子，但美棋BB被批要等到2018年才有機會，她表示婚後想生三個小朋友，陳宇琛即嘲笑她說：「豬乸咩？我最多生兩個。」雖然他們目前單身，不過陳宇琛笑說：「我同美棋高度同年紀都唔夾，我哋係兄妹嚟。」
採訪：何慧斯、溫敏芝、葉君海
戲裡戲外，話題最強，立即收睇《動戲場》:
http://hk.movies.nextmedia.com/extra/list/