【直擊】
站在銅鑼灣街市正門，抬頭仰望，正是長實（001）昨日開價的北角DIVA，面前車來攘往，背後傳來豬肉枱的「啄…啄…」聲，典型旺中帶靜的市區舊墟，交通四通八達，店舖食肆走平民價。
交通方便 生活配套足
北角DIVA位於港鐵天后站與炮台山站之間，記者與攝影師分途出擊，結果由天后站出發的攝影師行10分鐘便抵埗，由炮台山站出發的記者卻要行多5分鐘才到達。離開時，再穿過維園，就要花20多分鐘才到銅鑼灣站。
現埸所見，DIVA已興建了四至五層樓高，與恒地（012）的維峯果真黐到實一實。兩個樓盤則同於2015年期間入伙，除了發展商同時賣樓爭客外，入伙時業主同時要爭租客，隨時兩敗俱傷。去年維峯開售時較為慢熱，輾轉至今已售出逾50餘伙，佔樓盤總數約一半，長實以平兩成價出擊，令維峯進退維谷「減又死唔減又死」。
根據地盤佈局，預料DIVA正門開向歌頓道，車來攘往，轉個彎入後面威菲路道，一間又一間的汽車維修舖。周邊夾離商廈、舊樓，樓盤附近又有街市，生活配套一應俱全，且食肆、商店均走平民價，茶餐廳下午茶只消費20多元。租住附近舊樓的黃先生表示：「呢區幾好住，交通方便，地鐵、巴士乜都有，靜中帶旺。」對於附近新盤開價折實呎價約16,886元，黃先生回應：「都係太貴！我聽講長實啲樓，口碑唔係太好！」
【街坊意見】
長實樓口碑唔好
黃先生：「呢區幾好住，交通方便。（長實DIVA）折實萬六蚊呎都係太貴，我聽講長實啲樓，口碑唔係太好。」
新盤減價為散貨
馮小姐：「呢度方便嘅，但唔會買住啦，樓市可能會跌，唔會大冧，估跌20%……新盤不停減價都係為咗散貨啫。」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange