梁烈唯同拍拖11年嘅女友Tina噚日註冊結婚，10月先會擺酒。一對新人着晒禮服同婚紗，一早已經到酒店準備，但點知唯唯唔記得攞皮鞋，結果搞到要佢雙親幫佢返屋企攞。
簽字時心情係咪好緊張？唯唯話：「有啲，特別係宣讀誓言，不過我冇喊。」唔少老友同前輩好似苗僑偉同老婆戚美珍，張智霖同袁詠儀，蔡一智一家、黃日華同應采兒等都出席，唯唯話：「佢哋同我講大個仔，要乖要錫老婆。」佢仲話已經有造人計劃。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！