香川真司入波嘞！不過唔係喺曼聯入，而係一個日本電視節目。香川同國家隊隊友清武弘嗣要同一班小學生踢波，第一場，佢兩個要鬥33個小學生，但睇落冇大問題，清武一個過頭波，香川殺入禁區，面對3個門將，睇到定抽高波射入！第2關，香川同清武要鬥55個小學生，難度雖然增加，但佢兩個就偏向虎山行，用撞牆玩中路突破，清武傳個波埋龍門口，香川撞射。雖然第一腳被對手5個門將擋番出嚟，但香川補多腳射入（圖）。兩個大人總算冇燒鬚，技術性擊倒小學生！
足本收睇《亂噏24》x劉嘉玲； 鄭秀文@杜琪峯再度登場！
周一至周五《亂噏24》約定你： http://bit.ly/appletalk24