咪睇立法會主席曾鈺成咁鬼精靈，思辯詭辯一樣咁耍家，查實佢自己都透露過，幾條心臟血管栓塞咗四成，雖然未塞到要做「通波仔」手術咁嚴重，但都要食薄血藥，同埋要做運動控制。瘦蜢蜢嘅曾主席除咗鍾意跑步，亦愛耍太極。噚日佢去到灣仔公園晨運時，就撞到一班非常熱情嘅太極班學員，仲邀請佢齊齊耍太極（圖），有啲太極根底嘅曾主席，二話不說加入太極兵團，耍起上嚟都有板有眼，絕對唔輸蝕。
雖然話咗下屆唔再參選港島區立法會選舉，曾主席依然頻頻落區，而且好早就出動，早前佢仲登上南區鴨脷洲嘅玉桂山涼亭，同成班晨運客吹水，最終行到去海怡半島㖭。
足本收睇《亂噏24》x劉嘉玲； 鄭秀文@杜琪峯再度登場！
周一至周五《亂噏24》約定你： http://bit.ly/appletalk24