港人多為公義上街，對商界和金融圈而言，公平同樣重要。資深對沖基金經理錢志健（圖）曾確信香港有高度自治，但眼見行內滲透特權階級、公平競爭環境日漸崩壞、言論自由一路收窄，他驟然醒覺，「如果我哋呢一代人唔fight，將來一定冇」。
港要穩定需唔同聲音
錢坦言「普通中環人真係唔會諗咁多」，直至兩年前領養兒子，開始思考如何為下一代建構相對公平的競爭環境。一場免費電視風波，凸顯政府處事扭曲，「唔再係自由市場嘅公平角力」，切身之痛牽動中環人悄悄改變，閱報不再只看財經版。他直斥梁振英阻港視獲發牌「做得核突」，「廣管局（通訊局前身）同顧問報告都話（三個牌）冇問題，邊個做唔掂自然執笠，使乜你幫我決定？」
籌辦金融圈佔中討論日期間，錢接觸不少曾到海外留學、目前在港定居的內地共產黨員，原來他們心底也埋藏追求公義的種子，「接觸過普世價值，唔會再相信單一權威係可行」。
政改諮詢剛開始，錢志健期望民間提出更多建議，「喺扭曲嘅一國兩制之下，希望中央領導人見到，香港要穩定，需要有唔同聲音」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange