佔中如箭在弦，民陣將趁今晚集會與巿民進行公民演練，讓抗爭初哥體驗「瞓街」，示範清場期間應乖乖被抬還是自行離開。民陣召集人楊政賢強調演練的重要，呼籲巿民不要打「天才波」，「如果大家想打贏場仗，就要了解成個原則係點，第一次初哥上陣唔識，就會俾警察逐點擊破」。
提醒被抬走時不要掙扎
今天的集會約於下午5時半開始，其間佔中發起人之一的陳健民將講解非暴力抗爭，立法會議員梁國雄與余若薇討論政改時間表，重頭戲是公民演練，除了有台上示範被警察以警棍毆打時如何自處，亦會講解被抬走時應怎樣應對。楊說：「呢幾個係佔中可能會面對嘅處境，之後就會同啲巿民一齊蹺手、坐低、瞓低，有啲巿民連瞓喺條街都未試過，我哋一步一步嚟，等佢哋感受吓其實瞓低唔係想像中咁嚴重。」
曾經多次舉辦非暴力抗爭營的華人民主書院代表，昨晚在電台節目中分享經驗，又示範各種應對方式。書院董事陶君行提醒巿民被抬時應放軟身體，提高警方抬走的難度，其間也不要掙扎，以免被控襲警，女性則要大聲要求由女警抬走，「如果佢話不如你自己行啦，你唔好行，因為咁樣佢只要兩個警察就可以夾走你，減低咗佢個拘捕成本」。
足本收睇《亂噏24》x劉嘉玲； 鄭秀文@杜琪峯再度登場！
周一至周五《亂噏24》約定你： http://bit.ly/appletalk24