郭富城日前在廣州舉行巡唱尾站，當日氣溫急降得5、6度，但城城依然穿單薄舞衣勁歌熱舞，逼爆三萬人場館。城城更獲粉絲大讚靚仔，有人瘋狂到話要嫁給城城，城城笑說：「邊個想嫁畀我？不過點解有男聲話嫁畀我，咁搞笑！」
演唱會壓軸環節，城城在彈床凌空跳起時有點失重心，雙腳回彈床時扭親，最後取消原本凌空翻騰動作。完成個唱後，城城因擔心韌帶撕裂，即返酒店接受骨醫專科診治，之後更趕夜車返港出席紀念騷。另外，城城前晚負傷擔任梅艷芳紀念騷的表演嘉賓，由於他在台上載歌載舞，所以昨日要睇醫生，其左膝佈滿瘀血，醫生命令他要休息，但城城只讓自己休息三日。
撰文：唐如
戲裡戲外，話題最強，立即收睇《動戲場》:
http://hk.movies.nextmedia.com/extra/list/