侯城中場侯度史東入波後剪髮，原來背後係一份善心，叫人贊助自己嘅善舉，捐款去英國嘅癌症研究機構。上周六入完波後，好多人先知侯度史東呢份善心，所以紛紛捐錢。喺一日之內，善款多咗成1萬鎊（約13萬港元），其中佢嘅前英格蘭U21隊友奧奴夏就捐咗5,000鎊出嚟。侯度史東𠵱家籌到近2.7萬鎊，雖然離佢訂嘅目標7.5萬鎊仲有一大段距離，但球壇仲有好多善心人士，例如佢嘅侯城隊友艾奴高話，如果侯度史東肯剪02年世盃朗拿度個河童頭（圖）的話，佢即刻捐2,002鎊，唔知侯度史東會唔會為慈善而「變髮」呢？
足本收睇《亂噏24》x劉嘉玲； 鄭秀文@杜琪峯再度登場！
周一至周五《亂噏24》約定你： http://bit.ly/appletalk24