倒奶、露底、凸點、走點、變面、送底褲，上年就成日見到啲o模做，為嘅都係想上位，但成功與否呢？真係見人見智喇！
2013可謂o靚模嘅多事之秋，先喺年頭，娜姐就同男友Avis分手，之後就流出32Co靚模Vivian同Avis嘅床照。Vivian就被指係小三，但佢之後就爆話係Avis主動撩佢「上太空」喎！
之後去到7月底，大家突然又忙著要搵朋友！因為有「青島原子穗」之稱嘅張暖雅喺網上有裸照流出，跟住仲爆出佢秘婚、違約。對於裸照被瘋傳，張暖雅最後將事件交俾警方處理。
炎炎夏日，除咗去沙灘，當然去書展喇！通常書展o靚模就會「胸」群出動，但2013呢一年嘅書展簡直係「腥」風「血」雨！先有新晉o靚模Keiko孫旗，貴為Phoebe﹝許穎﹞師妹，佢嘅上位招數真係唔嘢少！玩漏M、玩凸點，突晒圍，但最後慘遭其他o靚模圍插。
另一邊又係新晉o靚模---AD2，被冠以o靚模史上之最重口味。最先佢地其中一個成員，Aily喺《喜愛夜蒲3》試鏡入面露暈搶盡風頭！之後就殺入書展喇，仲係書展…出面條天橋互咀互摸，夠重口味未？未！最後佢哋如願以償出寫真，名為《Ultra Heavy Taste》，入面充滿住老江湖甫士，之後仲喺條街度送底褲、安全套谷寫真，真係好重口味呀！
唔好以為新晉o靚模先上到位，o靚模組合Donut都玩咗好多年喇，每年都有新成員加入，氣勢如虹。喺2013入面，先係成員Katrina一句「生得靚唔係罪呀？」令人留有印象，之後佢哋喺書展更加上演咗一場割席風雲添！話說成員Victoria同Loretta喺書展宣傳度玩乳酪，過火位程度甚高；第二日成班再出嚟嗰時，Elke就話睇完報道覺得倒乳酪有點過火，仲話「要澄清一點就是她(Victoria)不是Donut成員」。玩乳酪玩到要割席，真係前所未見，聞所未聞呀！
之不過o靚模不嬲都係估你唔到，2013都玩到咁，唔知2014又會有啲咩玩呢？
足本收睇《亂噏24》x劉嘉玲； 鄭秀文@杜琪峯再度登場！
周一至周五《亂噏24》約定你： http://bit.ly/appletalk24