【調整心態】
利用自己的興趣做情緒排毒的工具，看似很容易做到，但不少人「日做夜做」，甚至假期也只有工作，久而久之人生只剩下工作。李德誠表示，部份人想嘗試情緒排毒，但原來最困難是連自己的興趣也不知道，「因為習慣返工，冇時間諗自己鍾意乜嘢」。
他說，曾有病人因生活只有工作，「要幫佢哋搵（嗜好），例如諗吓乜嘢時間係最開心？睇吓相簿或者電話裏面嘅相，嘗試勾起啲生活回憶」。找到嗜好後，便要學習騰出空檔為自己排毒。部份打工仔因工時長，放工後感到疲倦，沒精神再做一些無關痛癢的事，故要幫他們培養一些小興趣，才能放鬆日間的緊張心情。
他表示，部份人試了情緒排毒方法仍無效，如做瑜伽或打麻雀期間，腦中的煩惱事仍在團團轉，便可能患上焦慮症或情況較嚴重，需要求診。
《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange