今季練馬師形勢，有好多嘢係你事前諗唔到，大家點估到上屆冠軍葉楚航，家陣只排第15位；亦估到長年成績麻麻嘅呂健威，可以排第4咁高；更諗唔到嘅係一對新練馬師蘇偉賢、容天鵬，會成為兩股巨大勢力。
蘇偉賢有19Ｗ係華人馬房之冠，佢嘅「千杯豪情」今季除咗開閘墮馬一役，其餘三場贏晒，咁進步嘅馬，今次再贏有乜出奇？至於「爆鵬哥」容天鵬氣勢亦不得了，自從囡囡從美國讀書返港渡假，兩次入場打氣，「爆鵬哥」合共贏咗五Ｗ，真係好過打麻將食爆棚。「爆鵬哥」未贏夠㗎，元旦日嘅「光輝之星」、「多多心得」、「中環英雄」都係有份量嘅馬，隨時連場又贏。你哋又估吓，其他練馬師抵唔抵擋到呢兩股巨大勢力呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange