體壇拾趣:舒密加滑雪撞傷頭送院

體壇拾趣:
舒密加滑雪撞傷頭送院

德國F1「車神」舒密加(圖)周日喺法國度假滑雪時發生意外,撞親個頭,目前未知佢傷得有幾大鑊,外國傳媒啲消息傳到七國咁亂!有啲就話佢只係撞到受驚,但神智清醒;亦有啲好似英國《每日郵報》咁,話佢嚴重受傷,擺到上頭版咁滯。不過點都好,可以肯定嘅係,佢已經被直昇機即時送到滑雪場附近嘅醫院。BBC仲搵到滑雪場嘅負責人講兩句,後者話老舒發生意外嗰陣有戴頭盔,跌倒時撞到嚿石頭。呢位7次F1車手冠軍喺99年炒車都冇事,希望佢今次都可以大步檻過啦。


有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange