倪匡是響譽盛名的作家，其撰寫的《衛斯理》小說系列多達百多本，粉絲遍佈全球，但他在節目中自爆其實很不負責任，他說：「我從來冇睇過第二遍，所以入面啲錯漏、烏龍嘢，冇人同我執㗎。」最大問題是編輯也不敢替倪匡改正，因為不清楚他的情節脈絡。倪匡笑說：「其中情節講到衛斯理去咗南極，見到一隻白熊，但我當時醒唔起南極冇白熊！出咗嚟畀人鬧到抽筋！」Sammi笑說：「你可以抵賴執錯字粒，北極變咗南極！」倪匡稱後來有編輯要求他更正，但他怎也不肯改：「我話我鍾意南極呀！」當年有讀者不斷寫信投訴他，結果倪匡不勝其煩，在他的小專欄回應，並寫道：「某某先生：一，南極未有白熊；二，世界上沒有衛斯理。」Sammi聽到拍爛手掌。
肥佬黎問杜琪峯會否像倪匡一樣，重溫自己的舊作？杜Sir說：「我拍完之後三、五年都唔睇，亦唔會特登拎嚟睇。」他稱有時會翻看，只是想理解當年自己的想法，偶而在電視看到自己的作品，亦會暗嘆：「點解咁戇居，當年咁諗嘢！」
原來南極唔止有企鵝? 星期四晚記得收睇足本《亂噏24》！
戲裡戲外，話題最強，立即收睇《動戲場》:
http://hk.movies.nextmedia.com/extra/list/