由謝霆鋒和余文樂等主演的新片《救火英雄》本周四才上畫，但早前已播放了數場優先場，票房已逾282萬元，由於反應理想，即安排演員落力宣傳。陳偉霆、任達華和詩雅前晚到銅鑼灣謝票，抱恙在身的華哥自爆有消防員大讚他在片中是超級消防員，他表現風騷不停與觀眾影相及玩自拍。華哥搞笑捉了個5歲男童撮合單身的詩雅，並說：「呢個金牛座靚仔啱你人馬座，你廿年後記得搵呢個姨姨。」
對於是否因有了妻女後減少拍動作片，華哥說：「冇，最好拍吓又攬又錫，行吓沙灘不知幾好，舒舒服服，唔拍呢啲就拍鬼片。」陳偉霆被問到是否有結婚生B計劃時說：「未有，唔敢打算住，要好似華哥有經濟基礎先。」此外，有份演該片的吳浩康昨到旺角宣傳，女友鍾舒漫已欣賞其演出，並讚他演得好。
採訪：楊潔雯、黃曉妍
攝影：陳志嵐
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！