2013夾住龍年同蛇年，一樣好多藝人結婚生仔，單係11月已經有幾位知名藝人結婚，亦有好多藝人生B，真係可喜可賀。
周汶錡 其實上年已成為人妻，不過今年1月再同法籍有米老公Julien Lepeu喺中環補擺喜酒。
鄭伊健 1月同蒙嘉慧喺日本東京秘婚，受邀圈中朋友唔多，不過最後都係俾人喺微博洩密。
蔡瀚億 憑《狂舞派》紅咗嘅Babyjohn，被本報踢爆原來5月已同女友結婚。
陳豪 6月同陳茵媺喺巴黎舉行婚禮，陳茵媺更加係大住肚行禮。
劉曉慶 內地女星劉曉慶8月第4度做新娘，老公係富商王曉玉。
李蕙敏 10月同英籍老公Serge Micallef喺英國倫敦一棟200年歷史嘅古堡舉行婚禮。
吳建豪 11月同有米女友石貞善喺美國五星級酒店舉行百萬婚宴。
張震 同太太莊如雯11月喺老家台灣搞婚宴，請到圈中猛人好似王家衛、梁朝偉及劉嘉玲等出席，盛況比得上金馬獎。
張美妮 11月同髮型屋老闆黃偉強（KK）喺香港Ritz-Carlton酒店筵開30席宴，眾多圈中好友到賀。
鄭希怡 11月同拍拖8年開化妝學校嘅男友梁學儲（Andy）喺泰國蘇梅舉行婚宴。
王力宏 11月喺微博自爆已經結婚，不過老婆李靚蕾身份俾網民係咁起底。
汪圓圓 11月底同蔡加讚舉行過億超豪婚宴，嫁入豪門圓圓仲被奶奶要求生夠6個。
楊采妮 11月同離離合合多年嘅男友邱韶智結婚，終於成為邱太。
滕麗名 12月同金融才俊朱建崑喺泰國蘇梅島秘婚，不過都係俾朋友洩露行蹤。
裕美 12月喺香港同林恩浩擺酒結婚。
今年結婚藝人多，生B都唔少:
周家蔚 1月28日誕下兒子洪大仁(TJ)
應采兒 7月1日誕下兒子Jasper
湯盈盈 3月10日誕下女兒Alyssa
蔡少芬 3月25號誕下二女張信兒
蘇岩 4月為老公羅嘉良誕下女兒Sela
Lisa S. 5月為吳彥祖誕下囡囡Raven
林嘉欣 5月母親節前一日誕下七磅二女Sofie
陳茵媺 12月在微博自爆生下「小Mo子」，今年結婚生仔都做晒，真係雙喜臨門呀!
戲裡戲外，話題最強，立即收睇《動戲場》:
http://hk.movies.nextmedia.com/extra/list/