【維基開台倒數184日】王維基宣佈發展流動電視，旗下香港電視將於明年7.1開台，原來停拍的劇集亦將復拍，其中第一部復工劇集為陳柏宇、黃美棋、陸駿光和蔣祖曼主演的《大眾情性》，接着為姜大偉、郭鋒和元華等主演的《惡毒老人同盟》，至於蒙嘉慧和林文龍主演的《天網》，則因為蒙嘉慧檔期問題延至明年3月才復工。
維基復活，不但帶挈港視藝人有工開，而且更獲不少商演機會。其中姜麗文和黃芷晴下月齊齊為一商場做騷，而港視另一小花黃美棋與李忠希獲邀為一公司周年宴會擔任司儀，元旦日她又會為荷里活廣場活動擔任表演嘉賓，加埋稍後又與艾威、張松枝、陸駿光和郭鋒參與一個大型商演活動，人人豬籠入水。對此美棋BB昨在電話中笑說：「係多咗好多機會，元旦日我會做商場騷，又要唱歌又要跳舞。」可滿意酬勞？她說：「滿意，可以過肥年，希望快啲儲夠錢買車啦！」
採訪：方圓
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！