今期三T同六寶獎都有多寶累積，介紹隻馬畀大家參考，就係第七場泥地王「開心駕到」。
呢匹馬跑泥地點犀利法？至今八戰泥地賽，除咗一次1200米因為路程太短唔上名外，其餘不論1650或1800都全部入圍，其中泥地1650米仲六戰得兩W四P，上名率百分百。而且佢勝在跑法主動，一出閘基本上都會喺前四名叫糊，呢類馬真係好過癮，起碼唔使驚後上不及，或者末段搵唔到位衝刺。再講吖，蘇偉賢今季新開倉，有實力贏得嘅馬，都會場場跑盡，好似「開心駕到」，今季三戰得一冠兩亞全入Q，唔搵佢做重心，真係唔知搵乜馬！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange