今期有兩位華人練馬師蠢蠢欲動，一個係姚本輝，佢忽然出馬13匹咁多，絕對係大堆頭。另一個係鄭俊偉，11駒上陣亦遠比平時多。佢哋今朝都有動靜，姚本輝成朝不停喺度睇馬操練，又同彭利力猛咬耳仔，兩個合作「火辣四驅」、「正能量」，前駒上仗初跑1400米，大冷門只輸兩身位，可以話已試準，今次再跑呢個路程，點個敢批死隻馬唔得？至於鄭俊偉，亦穿梭烽火台與欄邊睇馬，並先後揾韋達、安國倫傾戰略。今期鄭俊偉戰馬中，「陽光王子」降入五班有利，而「皇仁勁駒」今季四戰三亞一季全上名，演出好準，加埋鄭俊偉泥地成績咁好，真係唔好低估。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange