就咁問于正係邊個，香港觀眾可能對佢冇印象....但講到新《神鵰俠侶》嘅「小龍包」陳妍希，大家點都會知道少少，妍希BB扮小龍女搞成咁，咪就係多得于正囉!
于正呢個內地劇集導演，專門「惡搞」金庸或古裝劇，佢之前嘅傑作就係將《笑傲江湖》嘅東方不敗變成女人(陳喬恩飾)，仲同令狐沖搞出曖昧「基情」，陳喬恩亦因此被封為「東方教主」!
而《神鵰俠侶》就仲拍緊，上一部又係俾網民恥笑嘅于正作品就係新《天龍八部》，由鍾漢良做冇霸氣嘅喬峰，韓星金基範做段譽，好多男女角嘅造型已經俾網民恥笑過好多次，原來套嘢呢期先首播!而片段入面又係好多地雷，除咗人物背景又唔同咗，有網民發現喬峰支打狗棒個形狀好似唔多對路............紛紛問:「這是用來打狗的？」
套戲一開始冇耐，張馨予做嘅「馬夫人」就濕身爆乳誘喬峰，網民見到喬峰支打狗棒都聯想到:「怪不得馬夫人會把持不住」、「這簡直是神器啊」!
足本收睇《亂噏24》x劉嘉玲； 鄭秀文@杜琪峯再度登場！
周一至周五《亂噏24》約定你： http://bit.ly/appletalk24