馬圈以男性為主導，但其實近年出現唔少女馬主。而且好多仲好靚女㖭，表表者當然係「一寶」嘅李嘉欣，「霸王小子」馬主蔡加怡亦出名省鏡，佢就係玩具大王蔡志明個女。仲有一位怕醜少女加加，養咗匹「好加加」，講多啲佢嘅資料，佢真名叫史佩加，父親史立德隻名駒「好先生」贏過2010年遮打盃，馬迷應該耳熟能詳。
加加平日好鍾意唱歌，曾經同Cool魔張智霖合唱，搞到加加個心撲撲咁跳。加加有件心事，就係好想「好加加」打開勝利之門。其實唔少馬主贏完馬搞慶功宴，都鍾意請埋歌手朋友到場獻唱。如果「好加加」贏馬，唔知加加同cool魔有冇機會再走埋一齊呢？講番「好加加」都算犀利，前仗騎師差啲墮馬，修正後都追番個第二。而上次呢匹馬又搶口又脫口，依然追得近，擺到明質素高。今次「好加加」操足再戰，負磅又唔重，肯定有良機啦。睇嚟加加想贏馬呢件心事，應該可以實現。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange