傑志斟亞援頂替列文離隊嘅空缺可謂一波三折，之前搵咗個南韓兵，點知臨時甩底，而噚日有個前南韓小國腳，踢過韓職全南、光州同仁川嘅張敬珍跟操，而呢個阿珍噚日凌晨先趕到，噚日朝好似未瞓醒咁嘅樣就跟操，佢曾經外流日乙踢大分三神，點都有啲功架。暫代教練之一嘅鄭兆聰對阿珍印象唔錯，至於係咪羅致，仲要睇埋噚晚到埗，由前傑志教練甘巴爾推介，效力阿德萊德嘅19歲澳洲年輕中堅Jordan Elsey試腳表現如何先至有決定。
足本收睇《亂噏24》x劉嘉玲； 鄭秀文@杜琪峯再度登場！
周一至周五《亂噏24》約定你： http://bit.ly/appletalk24