自今年第4季開始市場有多個新盤不斷登場，市況越熾熱，二手市場就越慘淡，二手成交量屢創新低，大行有新盤打救，細行要生存一定靠食腦。中國康樂園地產營業董事吳啟業講述該行淡市策略時指出，突圍新方向是開拓新市場，逆市而行搶佔康樂園旺舖，盡吸業主客在工商市場換貨。
帶業主買多間或換貨
吳啟業稱，中國康樂園地產專營康樂園，向來穩佔康樂園高達三至四成市場佔有率，但在政府3D辣招打壓下，康樂園成交量比旺市大跌一半，不得不急謀對策，探索突圍新路向，就是逆市搶客（業主客），趁美聯物業康樂園分行退租，即時搶租。
「康樂園管理公司對屋苑內店舖有嚴格規定，咁多年來只有3間地產公司，我哋好多次都想進駐，寧願畀更貴租金，但管理公司未有理會。美聯物業地舖已經租咗十幾年，直至最近唔續租，雖然月租要十幾萬，但我哋已經好快租咗，呢個舖位喺正百佳超市隔離，而且亦係去會所必經之路，除咗康樂園業主會去買嘢，其他鄰近屋苑業主都過來幫襯，真係好難得嘅靚舖。」
他分析說，面對市場變化，求存就要適應惡劣環境，開新舖並非單靠做大埔豪宅二手成交。「業主唔肯減價，買家唔肯加價，雙方僵持不下，根本無生意做！但好多大埔豪宅業主，尤其係康樂園業主都好有錢，同時擁有1個或以上豪宅單位收租，我哋𠵱家會主力帶呢班業主買新盤、甚至市區舖位及寫字樓，無論業主買多間或者換貨，都較易促成生意。」
開業個半月 做1.2億生意
康樂園新舖開業只有1個半月，突圍成功，促成兩宗康樂園業主換貨，以及一宗大埔新盤海鑽‧天賦海灣成交，涉及金額達1.2億元。他透露，「好多業主都嫌住宅物業太多規管，轉投不受BSD及SSD束縛嘅工商物業，近日我哋就帶一名康樂園業主到九龍灣常悅道1號買全新寫字樓收租，涉及6,000萬元，面積約有5,000幾呎，租金回報3厘至4厘。另一宗都係康樂園業主，原本一直有另一間康樂園洋房收租，但最近我哋幫佢以2,300萬元賣出，在大埔市中心分別再以1,700萬及1,000萬連買兩個地舖收租，因為佢認為買舖唔洗點打理，而且升值快過住宅。」
吳啟業謙虛地說，逆市生存之道，還需要不斷學習新環境，現正加強與外區工商物業行家合作經營。「人哋出盤，我哋出客，各佔一半佣金，齊齊有生意做。」目前中國康樂園地產共有兩間分行，正計劃開設第3間分行，人手由18人增加至30人。
海景豪宅睇升5%至10%
至於大埔豪宅二手市況，吳啟業坦言，整體二手成交量仍然持續低迷，一般業主議價空間僅5%，只有個別勁減10%才有成交，本月康樂園東路單號屋，實用面積1,553方呎，以1,700萬元低價成交，同類單位上月以1,928萬元成交，平市價約12%。
展望明年樓市，他睇好大埔海景豪宅，由於供應較少，估計樓價仍有5%至10%上升空間，相反，無海景的分層豪宅壓力較大，樓價將下跌5%。
足本收睇《亂噏24》x劉嘉玲； 鄭秀文@杜琪峯再度登場！
周一至周五《亂噏24》約定你： http://bit.ly/appletalk24