喺馬圈，馬匹轉倉唔係咩新鮮事。而當中不外乎兩個原因，一個係大馬房掃馬留位俾其他馬；另一個原因就係，馬主想幫匹馬轉換吓環境，謀求突破，而今期其中兩匹轉倉馬應係屬於後類啦！分別係第五場五班泥地一哩嘅「贏啲啲」同埋尾場三班千四嘅「福爾摩斯」。先講「贏啲啲」，呢匹馬喺季內已經上過名，過往同程亦跑過入Q，李易達馬房恨贏恨到發燒，一定唔會歎慢板，呢次用番贏馬騎師黎海榮，隨時轉倉即贏。至於「福爾摩斯」季內跑兩次都備受公眾注視，但均落第，而且仲喺輸完後嘅兩日即轉倉，幕後明顯對賽果唔多滿意。睇番練馬師蘇偉賢，佢處理呢啲難贏馬特別有一手，好似「千杯豪情」同埋「快人一步」咁，都係轉倉初出即贏，所以今鋪「福爾摩斯」都有機會贏馬，幫馬房省靚個招牌。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange