【無本生利】
被指搞出今次風波，將含瘦肉精的馬匹飼料「轉售」予本地漁戶的「中間人」批發商如興行，包辦本地近八成的塘魚飼料，雖貴為行內一哥，但公司註冊處及商業登記並無紀錄。有漁戶向記者展示一張如興行單據，上面只有兩個手機號碼，地址欠奉。
「搞到咁煩好內疚」
受影響漁戶根叔指幫襯該行已十多年，「我哋一向同余仔及朱仔接洽，當日余仔話馬會有2,000包馬料，叫我開個價，我開50蚊一包，結果買咗700包。以前試過兩、三次買馬會的過期馬料，畀魚食都冇出事」。
記者後來找到事件主角之一的「余仔」，他最初直認馬會找他「幫手」清走飼料，後來又改口指不認識馬會職員，又矢口否認向漁戶收取每包50元的飼料費，「（馬會）話唔要……係一個姓溫嘅運輸行家落柯打，叫我幫手運貨去魚塘，車咗兩、三車，我向溫生收番運輸費，但冇向漁戶收錢」。
他自稱對飼料含禁藥毫不知情，「肯定冇人同我講過（有禁藥），我同漁戶十幾年朋友，搞到咁麻煩，我梗係內疚啦」。
《蘋果》記者
足本收睇《亂噏24》x劉嘉玲； 鄭秀文@杜琪峯再度登場！
周一至周五《亂噏24》約定你： http://bit.ly/appletalk24