練馬師薛達志曾經訓練馬王「好爸爸」連贏三屆香港一哩錦標，但失去「好爸爸」後，薛達志事業亦走下坡，曾經試過贏唔夠13Ｗ，畢唔到業，今年暑假至今，薛達志更有十多駒被拉走，家陣只餘30隻馬，難聽啲講係個無兵司令，更成日傳佢會劈炮返德國。不過薛達志已否認，仲話會堅持落去，今期佢有隻實力馬「麟轉乾坤」，上次初出大冷門跑第四，熱完身估計表現會更進一步。薛達志子彈無多，梗要把握機會。大家即管睇下「麟轉乾坤」，可唔可以幫薛達志扭轉乾坤。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange