英超「拆禮物日」最黑仔球隊，必揀史篤城；佢哋周四作客紐卡素喺29分鐘領先1:0，但完半場前，兩名守將格連韋倫同馬克威爾遜竟然4分鐘內先後紅牌被逐。嬲爆嘅領隊曉士仲因為投訴過激，被球證罰咗上看台坐，之後佢嬲到將件大褸掟上天，以示不滿，球隊仲要即刻被紐記嘅雷米追番1:1。換邊後打多兩個嘅紐卡素，當然棒打落水狗，結果反炒史城5:1。曉士賽後怒轟黑哨，但紐記主帥柏度就對球證判決隻字不提，仲讚9人應戰嘅史篤城踢得好，擺明想淡化爭拗。
足本收睇《亂噏24》x劉嘉玲； 鄭秀文@杜琪峯再度登場！
周一至周五《亂噏24》約定你： http://bit.ly/appletalk24