港足噚日喺晒草灣球場復操，備戰聽日對廣東嘅省港盃首回合，除門將謝德謙因傷退隊、飛馬中場白鶴同鞠盈智有傷請假外，其餘18人悉數出席。教練金判坤收操後笑笑口講，陣中踢完銀牌嘅球員就太攰，冇份踢嘅就冇態，真係搞到頭都大埋，但佢講明會畀年輕球員上陣機會；而後防老大哥李志豪都話會多啲提場，輔助曾至孝等後輩接棒。至於自己嘅前途，志豪就話︰「南華雖有意繼續借用我出戰亞冠附，但作為球員當然想重返國內，下月跟國安去海南參加冬訓。」
足本收睇《亂噏24》x劉嘉玲； 鄭秀文@杜琪峯再度登場！
周一至周五《亂噏24》約定你： http://bit.ly/appletalk24