喺「拆禮物日」嘅英超特別多反勝，10場當中有5場都係反勝，其中包括阿仙奴作客以3:1後上擊敗韋斯咸，重返榜首。本來，呢件係好值得高興嘅事，可惜兵工廠今屆踢到曉飛嘅「死神」艾朗藍斯（圖），就喺對韋斯咸一役勇戰傷大腿，聖誕新年快車期之後嘅賽事都唔使預佢；最慘嘅係拆禮物日當日更加係佢嘅23歲生日，對於收到咁樣嘅「生日禮物」，認真慘情！不過，好彩兵工廠有中場韋舒亞坐完兩場波監，而復出嘅攻擊球員普多斯基亦好神勇，喺周四時射入靚波幫球隊埋齋，咁阿仙奴領隊雲格先至唔使咁愁咋。
足本收睇《亂噏24》x劉嘉玲； 鄭秀文@杜琪峯再度登場！
周一至周五《亂噏24》約定你： http://bit.ly/appletalk24