今年429一手新例實施，銷監局強勢出擊，以監禁七年及罰款五百萬元作為最高刑罰，賣一手樓程式可以話係香港政府對發展商有史以來最嚴謹的措施！在今年五月新例生效後，樓書厚過電話簿，重量超過招股書，最初有發展商製成樓書，大量印製，忽然發現E&M電路平面圖電掣位印錯，需要回收及重新印製樓書，非常浪費唔環保及直接影響銷售程式，及馬上急煞停項目！嚴重影響成個項目時間部署！其他發展商有見及此，（前車可鑑）全部歎慢板，加上年初樓市仲有人看樓價升，所以有近四個月冇一手新盤推出市場，遲遲唔開盤！
到今年十月，終於有發展商肯止賺，帶頭劈價兩成開盤賣一手樓，為公平起見，發展商智囊團，採用入票登記，一人一票制，為排除水份，只係接受本票登記。筆者十多年銷售一手樓的前線經驗，感到非常正面及公平。基於係豪宅，一般習慣以少過樓價5%作為本票基礎銀碼，即係三十萬，因減價超過兩成，市場反應理想，以當時約二千個登記，市場凍結資金近6億現金！入票程式一定要本人親自登記，只能一個名入一票。基於應市單位有限，賣個滿堂紅，結果有大量實客買唔到樓，購買力釋放流出市場，有見及此，各大發展商智囊團，全部以劈價招徠，選擇即供付款方法享有大幅折扣、提供特長成交期，全數回贈釐印費等等，度出千奇百怪的抽籤方法，務求令實客浮面，首先介紹用公司名義入票的優勢：用一人名買一百間空殼公司用不同公司名字可以入100票或冇上限，每票係三十萬，即係一個客先拿出三千萬出來抽籤，而有些一手樓盤發展商接受用個人名義可以一口氣入十票，即係拿現金三百萬出來！表面公平，但並不是每個買家也能在二、三天之內馬上拿那麼多現金出來。而手持大量現鈔人士，在此角度，的而且確係比較容易中籤，制度都係傾向有實力人士，表面公平而實際上唔公平！
之後到另一大盤，抽籤變種，只要係個人名義，一個人只能入一張飛，看似非常正路，但同一個人加上任何人士都可以再入一張飛，以一個一家四口的家庭組合計算，四串六加四個單名，總共可以入十張飛，如果加埋親戚朋友多入50張飛/100張飛都仲可以！而剛剛開售的一個新界盤就限制一人三票，以市場收五千張飛，即係代表實際客人約有1,600人數，抽籤分兩個階段：首次抽出300張飛冇編號次序，客人只知道中了第一階段需要親臨發展商售樓處現場再正式抽籤一次有次序號碼，發展商推120個單位，換言之有180位準買家一定買唔到變做臨記幫發展商做勢，如果係星期六日都還好，但揀樓曰在平日，好多準買家需要上班，專誠請假來又買唔到，客人怨聲載道，最終受罪一定係地產代理，最後勝利一定係發展商！現時遊戲規則只要有實力買多些本票用多些人名入多些飛，中籤機會自然大大增加！從以上做法，衍生多個問題出來！
楊官華
世紀21中華物業董事
香港專業地產顧問商會副會長
大中華房地產有限公司顧問
Email : mailto:[email protected]
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange